- 23/05/2024
- 50
- нет
«Күн Күбэйэ» үҥкүү бөлөҕүн 15 сылын көрсө тахсыбыт «Олох кэрэтин үйэтитэн» кинигэ альбом сүрэхтэннэ.
Чурапчы улууһугар, илин эҥэр оройуоннарга, Өрөспүүбүлүкэ иһигэр, Арассыыйаҕа Москва, Санкт-Петербург, Казань, Владивосток, Хабаровскай куораттарга, норуоттар икки ардыларынааҕы Болгарияҕа, Кытайга 3-с көлүөнэ үҥкүү күрэхтэригэр хас да төгүллээх Гран-при, Лауреат, Дипломант уонна элбэх номинациялар кыайыылаахтара, Чурапчы улууһугар бастакынан тэриллибит аҕам саастаахтар «Күн Күбэйэ» үҥкүү бөлөҕүн дьоро тэрээһинэ, «Олох кэрэтин үйэтитэн» фотоальбом-кинигэ сүрэхтэниитэ үгүс дьону түмэн истиҥник ааста.
Уон сыллаах үбүлүөйдэригэр «Кэрэни түстэһэр, үтүөнү үксэтэр «Күбэйэ» диэн кинигэ таҥан таһаартарбыттара. Быйыл 15 сылларыгар сылдьыбыт сырыыларын сырдатар дьиҥнээх чахчыны дьоҥҥо тиэрдэр кинигэ — альбом хомуллан таҕыста “Олох кэрэтин үйэтитэн: 2009-2024 сс.”
Үгүс кэрэ хаартыскалары түмэн оҥоһуллубут кинигэ-альбому киһи эрэ сөҕө-махтайа, үөрэ-астына көрөр.
Комментарий читателей статьи "«Күн Күбэйэ» үҥкүү бөлөҕүн 15 сылын көрсө тахсыбыт «Олох кэрэтин үйэтитэн» кинигэ альбом сүрэхтэннэ."