МБУ "Чурапчинская МЦБС"
филиал №12 сыланская сельская
модельная библиотека

Муус устар 2 күнүгэр Аан дойду үрдүнэн Оҕо-аймах кинигэтин күнэ бэлиэтэнэр. Бу күн 220 сыл анараа өттүгэр үгүс көлүөнэ кырачааннар үүнэн тахсыбыт остуоруйаларын айбыт-суруйбут Дания дойдутун остуоруйаһыта Ганс Христиан Андерсен төрөөбүтэ. Кини туһунан уонна өссө атын оҕолорго анаан аптаах остуорйалары айан хаалларбыт суруйааччылар тустарынан бүгүн профессор Г.П.Башарин аат. оскуола алын сүһүөх кылаастарын үөрэнээччилэрин кытта кэпсэттибит, остуоруйа таайыстыбыт. Оҕолор олус сэргэхтик олорон истэн, тэҥҥэ сэргээн, кэпсэтэн, оонньоон көрсүһүүбүт бэрткэ ааста. Остуоруйа үйэлээх айымньы буоларын, куруутун үчүгэйгэ үөрэтэрин биллилэр уонна остуоруйа истэллэрин, ааҕалларын, киинэлэрин көрөллөрүн үөрэ кэпсээтилэр.

Күндү оҕолорбутугар үчүгэй үөрэҕи, интириэһинэй көрсүһүүлэри, элбэх билиини-көрүүнү биэрэр КИНИГЭНИ кытта куруутун доҕордуу буолалларыгар баҕарабыт, учууталларга үтүө түмүктэрдээх үөрэх чиэппэрин, ситиһиини!