https://disk.rcitsakha.ru/s/SLdwk4fKTaswySn
Материалы по киберпреступлениям
- 04/06/2025
- 17
- нет
Чурапчыга баар И.М.Павлов аатынан Бойобуой Албан аат музейыгар Сылаҥ нэһилиэгэ Аҕа дойду сэриитигэр Кыайыы 80 сылыгар аналлаах быыстапка туруорда.
Бэс ыйын 3 күнүгэр Сылаҥ нэһилиэгин общественноһа, ветераннар түмсүүлэрэ уонна култуура тэрилтэтэ түмсэн киирэн улууска «Сылаҥ, Аччаҕар нэһилиэктэрэ Аҕа дойду сэриитин кэмигэр» быыстапка туруордубут. Быыстапка аһыллыытыгар кыттыыны ыллылар музей директора М.В.Дьячковскай, улуус ветераннарын советын председателэ М.Н.Матвеева, нэһилиэк депутата Платонов В.Н., буойуттар оҕолоро Никитин С.И., Макаров Н.Г., Башарина В.В., Макаров И.Г. уонна Сылаҥтан, Чурапчыттан биир дойдулаахтарбыт. Бу быыстапкаҕа дьон биир ураты миэстэни ылла нэһилиэкпит иистэнньэҥнэрэ «Кыайыы иннинэ 9 күн» диэн волотерскай хамсааһыҥҥа кыттан оҥорбут «Рейхстаг истиэнэтэ» кыбытык тигиинэнэ оҥорбут паннолара. Бу оҥоһук республиканскай күрэххэ призер аатын ылар чиэскэ тиксибитэ. Паннону нэһилиэкпит ветераннарын советын прдеседателэ Клара Васильевна Макарова көҕүлээһининэн, норуот маастара Агафья Николаевна Никитина сүбэтинэн, түмүүтүнэн оҥоһулунна.
Кэлэн быыстапканы көрүҥ, сэргээҥ, эйэлээх олох иһин турууласпыт дьоммутугар Махталбыт бэлиэтин көрдөрүөҕүн, историяны билсиэҕин!
Комментарий читателей статьи "Чурапчыга баар И.М.Павлов аатынан Бойобуой Албан аат музейыгар Сылаҥ нэһилиэгэ Аҕа дойду сэриитигэр Кыайыы 80 сылыгар аналлаах быыстапка туруорда."