МБУ "Чурапчинская МЦБС"
филиал №12 сыланская сельская
модельная библиотека

Сылаҥ нэһилитэгин биир ытыктанар, холобур туттар ыалын Фекла Николаевна, Прокопий Семенович Макаровтар оҕолоро, күндү көмүс кыргыттара төрөппүттэригэр уонна балтыларыгар, эдьиийдэригэр Виктория Прокопьевнаҕа анаан сүрдээх үчүгэй, сүрэх сылааһынан суруллубут, ахтылҕан сыдьаайын сырдатар истиҥ тыллардаах ахтыылары хомуйан кинигэ бэчээттэтэн таһаартардылар. Бу кинигэ алтынньы 16 күнүгэр Сылаҥ нэһилиэиг библиотекатын ааҕар саалыгар сүрэхтэниитэ истиҥник ааста. Улахан кыыс — Анна Прокопьевна Матвеева, С.К.Макаров аатынан Чурапчытааҕы гимназия үрдүк категориялаах английскай тыл учуутала, саха-английскай филология кафедратын сэбиэдиссэйэ — бу тэрээһини сүрүннээтэ. Александра Прокопьевна уонна Валентина Прокопьевна эдьиийдэригэр күүс-көмө, тирэх буолан, кыргыттар олус түмсүүлээхтик, оҕолорун батыһыннаран, сиэннэр кэлэн ахтыылары истэн, аймахтары көрсөн бары да сэргэхсийэн, астынан тарҕастылар. Бу курдук ийэҕэ, аҕаҕа таптал күүһэ олоххо, үлэҕэ кынаттыыр, күүс эбэр буоллаҕа.