МБУ "Чурапчинская МЦБС"
филиал №12 сыланская сельская
модельная библиотека

Алтынньы 17 күнүгэр Сылаҥ нэһилигэр бэрт сонун тэрээһин буоллан ааста. Сахабыт сирин Ийэлэрин күннэрин бэлиэтээн, Сылаҥмыт сиригэр –уотугар төрөөбүт-үөскээбит, кийиит кыыс буолан кэлэн олохсуйбут Сулустаах Ийэлэр ааттарын эдэр көлүөнэ дьоҥҥо тириэрдэр сыалтан, Аҕа дойду улуу сэриитин кэмигэр  оҕо, эдэр дьон буолан араас ыарахан үлэҕэ сылдьан кыайыыны уһансыбыттарыгар сүгүрүйэн туран ааттарын үйэтитэн хаалларарга диэн санааттан Сылаҥ Герой-Ийэлэрин ааттарынан анал номинациялары күн бүгүн нэһилиэккэ үлэлии-хамныы сылдьар, бочуоттаах сынньалаҥҥа олорор, элбэх оҕолоох ийэлэргэ  туттарыы сиэри-туомун тэрээһинэ буолла.

    Сылаҥ нэһилиэгэр 11 Герой-Ийэ олорон, үлэлээн-хамнаан, оҕолорун үтүөҕэ-кэрэҕэ иитэн, үлэҕэ уһуйан, саха сайдам ыалын дьиҥнээх олоҕун тутан олорбуттара.

Номинациялар :

1.      “Өбүгэ үгэһин тэнитээччи Ийэ” – Макарова Мария Гаврильевна аатынан анал аат – Ноговицына Мария Сергеевна

2.      “Кэскиллээҕи утумнааччы Ийэ” – Макарова Анна Корниловна аатынан анал аат – Пермякова Евдокия Иннокентьевна.

3.      “Байылыат олоҕу салҕааччы Ийэ” – Макарова Александра Прокопьевна аатынан анал аат Сивцева Анна Сергеевна

4.      “Үлэнэн иитиигэ холобур Ийэ” – Никифорова Анна Афанасьевна аатынан анал аат Протодьяконова Ольга Дмитриевна

5.      “Көмүс тарбахтаах Ийэ” – Пономарева Парасковья Алексеевна аатынан анал аат – Попова Надежда Дмитриевна

6.      “Чэгиэн-чэбдик буолууга уһуйар Ийэ” – Иванова Мария Павловна аатынан анал аат Аммосова Татьяна Дмитриевна

7.      “Тыа сирин үлэтин тутааччы Ийэ” — Сергеева Степанида Ивановна Ивановна аатынан анал аат – Коркина Надежда Филипповна

8.      “Туруу үлэһит Ийэ” – Макарова Ульяна Дмитриевна аатынан анал аат – Макарова Ульяна Вячеславовна

9.      “Тирэхтээх толкуйдаах Ийэ” – Макарова Фекла Петровна аатынан анал аат – Макарова Эльза Борисовна

10.    “Сайаҕас сайдам олохтоох Ийэ” – Макарова Прасковья Афанасьевна аатынан анал аат – Нестерева Надежда Алексеевна

11.    “Түмэр сатабыллаах Ийэ” – Трофимова Анна Ильинична аатынан анал аат – Сивцева Лена Иосифовна.

   Бу  анал ааттары ийэлэргэ “Сылаҥ Герой-ийэлэрэ” кинигэни суруйан, ийэлэри үйэтиппит СӨ Бочуоттаах ветеранын, “Гражданскай килбиэн” бэлиэ туһааннааҕын, Чурапчы улууһун уонна Сылаҥ нэһилиэгин бочуоттаах олохтооҕун, Чурапчы улууһун норуотун маастарын Клара Васильевна Макарова уонна “Сылаҥ нэһилиэгэ” тыа сирин сэлиэнньэтин дьаһалтатын дьиэ кэргэни кытта үлэҕэ специалиһа Дьячковская Зинаида Петровна туттардылар. Герой ийэлэр оҕолоро, сиэннэрэ кэлэн, кыттан, эҕэрдэлээн, махтанан тыл эттилэр, сибэкки дьөрбөтүн туттардылар.

   Бу күн биир долгутуулаах түгэнинэн СВО кыттыылааҕа Ноговицын Вячеслав Вячеславович ийэтигэр Елена Ивановна Ноговицынаҕа “Мать защитника Отечества” мэтээл ытыс тыаһынан доҕуһуолланан туттуралынна.

   Бу курдук дириҥ ис хоһоонноох тэрээһиннэр ыытыллан, нэһилиэк дьоно-сэргэтэ түмсүүлээхтик кыттан, салҕыы бара турдуннар.

   Истиҥ ырыалар, оҕолорбут үҥкүүлэрэ көрөөччүнү сэргэхситтилэр. 

  Тэрээһин олохтоох дьаһалта, А.А.Сивцев аатынан сынньалаҥ киин уонна олохтоох библиотека көҕүлээһиннэринэн ыытылынна.