МБУ "Чурапчинская МЦБС"
филиал №12 сыланская сельская
модельная библиотека

https://docs.google.com/forms/d/e/1FAIpQLSfqsiw_PDziXHuSYhi8GEXoZokwS22bgrd-DEzomdyTS0CYXQ/viewform?usp=publish-editor — бу ссылканан киирэн викторина ыйытыктарыгар эппиэттээ, аллараа түһэн выставканы билис, Михаил Ефимович Николаев этиилэриттэн тыллары ааҕан, тускар туһан!

Дойду историятыгар лидер буолар аналлаах дьон көстөн, үгүс сытыы-хотуу, үөрэхтээх-билиилээх дьон быһыыттан тахсан кэлэллэр. Холобур, биһиги Сахабыт сиригэр 1917-1920 –с сс. А.Е.Кулаковскай, П.А.Ойуунускай, М.К.Аммосов, Исидор Барахов, Василий Никифоров – Күлүмнүүр. С.А.Новгодов о.д.а. тахсан норуоту үтүөҕэ, сырдыкка, үөрэххэ, сайдыыга сирдээбиттэрэ.
Онтон 1990-2000 сс. Саха норуотун саҥа саҕахтарга сирдиир лидер Михаил Ефимович Николаев кэлбитэ. Тыа сиригэр төрөөбүт, улааппыт, Хоту Эдьигээн улууһугар олорбут, үөрэммит эдэр эрчимнээх, олох атын өйдөөх-санаалаах, дьон туһугар диэн баҕа санаалаах саха ыччата тахсыбыта.
Бу маны саха дьон-сэргэтэ кэтэспит курдук, ылынан, кинини сирдьит оҥостон, кини тула үөрэхтээх-билиилээх дьон, ыччат түмсэн Сахабыт сирин сайыннарыыга бары санааларын түмэн үлэлээн, киирэн-тахсан, үгүс кэпсэтиилэри тэрийэн бу бүгүҥҥү сайдыылаах Саха сиригэр олоробут.
Үгүспүт Михаил Ефимовиһы Президент эрэ диэн билэр буолуохтаахпыт. Ол сөп. Михаил Ефимович Саха норуотугар Бастакы Президент быһыытынан хаалар. Кини саҕалаабыт дьыалалара, туруорсубут боппуруостара, оҥорбут үлэлэрэ Саха сирин тутулуга суох буолууга тириэрдэн, сайдыы киэҥ аанын аспыттара.
Михаил Ефимович туһунан эбии билэргэ кини бэйэтэ суруйбут кинигэлэригэр уонна кини туһунан бииргэ үлэлээбит, алтыспыт дьонун суруйууларыгар билсиэхпитин сөп.

Михаил Ефимович кинигэлэрэ, кини эппит тыллара, санаалара биһигини туохха үөрэтэрий, иитэрий, тугу өйдөтөрүй — диэн кылгастык сырдатыам.
Бастакы кинигэлэр Арткика норуотун туһунан, Хоту дойду олохтоохторо хайдахтаах курдук ураты айылҕалаах дойдуга үлэлии-хамныы олороллорун сөҕөн, киэн туттан суруйбут – Арктикаҕа Аан дойдуга ааны аспыта
Норуотун баҕа санаатын толорорго туох баар күүһүн-кыаҕын, билиитин-көрүүтүн анаан олорбутун ылыныахтаахпыт.
Историяны, урукку олох диэн антах аспакка, оччотооҕу лидердар санааларын, этиилэрин сүбэ-соргу курдук туттан, онтон тирэх ылынан сайдыыга үктэниэхтээхпитин куруутун өйдөтөрө.
Ханна да үлэлээтэр, онно тугу туруорсубутун, тугу ситиспитин түмэн отчуоттуур норуотун иннигэр таһаарар – бу чиэһинэй киһи үлэтэ.
“Дети Азии” күрэх тоҕо баар буолуохтааҕын туһунан сиһилии санаатын сааһылаан суруйбутун интириэһиргээн ааҕыахха сөп.
“Интеллигенция и цивилизация” – история уонна интеллигенция – суолталара арыллар.
Саха сирин үөрэтэр научнай экспедиция кэлиитин, историятын, тугу үөрэтэн ситиспиттэрин билсиэхпит.
Дьиэ кэргэн – олоххо суолтата, норуот сайдыытыгар кылаата.

“Следует учить детей гордиться историей своего народа, историей и будущим своей прекрасной республики, бережно передавать им богатство нашей национальной культуры” 

М.Е.Николаев.

Именно сельские семьи являются хранителями духовных устоев России.

М.Е.Николаев.

“Саха сирэ – биһиги төрүт сирбит диэн сөпкө эппиттэрэ. Биһиги кэлии омук буолбатахпыт. Онон төрөөбүт сиргитин-уоккутун онон- манан истиэптэринэн көрдөөмөн… Бу биһиги омук, нация быһыытынан үөскээбит сирбит. Бу биһиги сирбит. Оннук өйдөбүл баар буолуохтаах. Биһиги манна тыһыынчанан сылларга тыйыс айылҕаҕа олорон кэллибит манна мунньустаммыт, биир тыллаах, биир культуралаах буолбуппут. Онон биһиги төрүт сирбит – Саха сирэ”.

М.Е.Николаев.

Ыччат – сүдү күүс. Кини бүгүн олох бары уларыйыыларыгар эппиэтинэһи бэйэтигэр ылыахтаах. Ыччат көмөтүнэн общество олоҕо үчүгэй эрэ өттүгэр салаллыахтаах.

М.Е.Николаев.