МБУ "Чурапчинская МЦБС"
филиал №12 сыланская сельская
модельная библиотека

    Байаан – бу саха киһитин дууһатын күүскэ хоһуйар, иһирэх иэйиилэри арыйар дьикти дьүрүскэн. Бүгүҥҥү киэһэҕэ эһиэхэ байаан ахтылҕаннаах дьүрүскэнэ дорҕоонноох алаас киэҥ сирдэригэр,  кэрэ сибэккилээх хонууларга, таптал нарын иэйиитигэр илдьиэхтэрэ. Байаан дьикти алыптаах тыаһыгар уйдаран ырыа дьоро түгэнин бу эрэ киэһэ истиэхпит, дуоһуйа сынньаныахпыт.

“Куйаартан кутуллар дьүрүскэн” байаанынан ырыа дьоро киэһэтин Сылаҥ нэһилиэгэр бэлэх ууна кэлбит дьоһун-мааны ыалдьыттар:

Афанасий Филиппов “Байаанныын бииргэ” ырыа түмсүүтүн салайааччыта, Республиканскай баянистар, мелодистар ,,С песней по жизни» күрэхтэрин 3 степеннээх дипломана, Н.И. Бойлохов аатынан республиканскай баянистар күрэхтэрин 2 степеннээх дипломана, сыана бэтэрээнэ баянист, мелодист, ырыаһыт. Өлүөхүмэ улууһа

Маргарита Осипова, кубок России 3 степеннээх лауреата, норуот ырыаларын күрэҕин дипломана, 50+ телевизионнай ырыа күрэҕин кыттыылааҕа, үлэ, сыана бэтирээнэ. Мэҥэ Хаҥалас улууһа.Чүүйэ.

Василий Слепцов “Истиий дуубайааным» ырыа проегын кыттыылааҕа, Золотой выпустар ,,Золотой голос» номинация хаһаайына.Үлэ бэтирээнэ. Уус- Алдан улууһа.

Зоя Прокопьева, мастер-педагог, респ. пед ярмарка 2010 с. кыайыылааҕа,  үөрэх уонна култуура министерствотын үгүс наҕараадатын хаһаайката.

Елизавета Петрова, көр- күлүү жанрын лауреата.Үлэ,сыана бэтирээнэ. Хаҥалас улууһа

Петр Макаров, 2000 үтүө дьыала бэлиэтин хаһаайына, СӨ уус-уран самодеятельноһын бэтэрээнэ, үлэ, сыана бэтэрээнэ. Биир дойдулаахпыт, убайбыт тэҥэ убаастыыр киһибит.

Уонна бу дьоро ырыа киэһитин ыытаары, доҕотторун, бииргэ ыллыыр дьонун түмэн, дойдутугар үтүө санаатынан ыалдьыттыы, хоһоон, ырыа, кинигэ бэлэх тутан тиийэн кэлбит Любовь Федотовна Никитина-Тапталаана,  үлэ бэтирээнэ, хас даҕаны кинигэ автора ,,Истиий дуу, байааным  бырайыак кыттыылааҕа, 3 көлүөнэ оскуола курсиската, Раиса Николаевна Тимофеева-Николаева салайааччылаах ,,Уран тыл оһуора» литературнай  түмсүү чилиэнэ,  Александров Иван Парфеньевич сал. Саха өрөспүүбүлүкэтин көҥүл,,Ситим» суруйааччыларын сойууһун чилиэнэ, Корякина Римма Николаевна- Хотууна сал. Чурапчы улууһун литературнай түмсүүтүн чилиэнэ. Элбэх оҕолоох ыал ийэтэ, эбээтэ, куруук үөрэ-көтө көрсөр убаастыыр киһибит, айар үлэтин билиһиннэрэ кэллэ.

Бу киэһэ үрдүк сценаттан байаан доҕуһуоллаах Любовь Никитина-Тапталаана тылл, Аф.Филиппов, Федор Трофимов дьүрүскэннэригэр айыллыбыт ырыалар ылланнылар, Тапталаана хоһоонноро ааҕыллан көрөөччүгэ тиийдэ. Сэргэх, сонун тэрээһин ырыа тула дьону түмтэ.