МКУК "Чурапчинская МЦБС"
филиал №12 сыланская сельская
модельная библиотека

Артемьева Светлана Васильевна, алын кылаас, саха тылын учуутала идэлээх үрдүкү категориялаах практик, логопед-дефектолог көрдөһүүбүн ылынан оҕолорго санаатын тиэрдэр :

     Күндү оҕолорбут, сир үрдүнэн биир сибэтиэй кинигэ баар, ону билэҕит дуу?

   Ол Библия буолар. Библия — Таҥара дьоҥҥо эппит тыла. Маннык кинигэ оҕолорго анаммыта эмиэ баар. Бу кинигэ  үтүө санаалаах киһи сырдыкка тиксэрин, өстөһө сылдьар мөкү-куһаҕан майгылаах киһи олоҕо хайдах буоларын көрдөрөр, бырастыы гынарга үөрэтэр ыраас, сырдык олоххо сирдьит кэриэтэ.

   Аан дойду үрдүнэн  элбэх араас омук тылынан тылбаастанар уонна бары кинигэлэриттэн үгүстүк бэчээттэнэн тахсыбыт кинигэлэртэн биирдэстэрэ БИБЛИЯ буолар.

    БИБЛИЯНЫ саамай элбэх, араас омук тылынан тылбаастаабыттара, ол иһигэр сахабыт норуотун биллэр суруйаачыта, Дмитрий Кононович Сивцев – Суорун Омоллоон уонна тылы чинчийээччилэр Библияттан “Саҥа Кэс Тылын” төрүт сахалыы тылбытыгар тылбаастаабыттара.

Онон, күндү оҕолоор, эһиэхэ аналлаах үтүө санаалаах буолан улаатаргытыгар баҕаран туран ити кинигэни ааҕаргытыгар сүбэлиибин.

Сырдык, үтүө санаалаах дьоһун дьон буолуҥ!

Артемьева Светлана Васильевна.

27.12.24

САХА СУОЛА. САҤАРАР ТАЛКЫБЫТ САЙЫННЫН

  Үүнэр ыччаппыт саҥарар дьоҕура мөлтөөн иһэрин бары бэлиэтиир буоллубут. Олоххо ситиһиилэнии киһи тыллаах-өстөөх буоларыттан улахан тутулуктаах. Ону өйдөөн, идэлээх үлэһиттэр саҥарар талкы сайдыытыгар саҥаттан саҥа ньымалары толкуйдууллар, үөрэтии ситимигэр киллэрэллэр. Оттон Саха сирин логопедтара өссө оҕо ийэ тылынан тылланыытын сорук оҥостон үлэлээн эрэллэрэ махталлаах. Логопедтар үөрэхтэрэ баччаҕа диэри нууччалыы эрэ суруллубут үлэлэргэ тирэнэрэ. Онон, бу өҥөнү туһанар оҕо төрөөбүт тылыттан тэйэргэ күһэллэрэ.

  «Хамсаныы – тэтим – саҥарыы – ситиһии» ситиминэн үөрэтиини кэлимник киллэриигэ үлэлэһэ сылдьар логопед-дефектолог, элбэх оҕолоох ийэ, “Төрүт тыл”логопедтар түмсүүлэрин төрүттээччитэ, Светлана АРТЕМЬЕВА кэпсээнэ билиҥҥи кэмҥэ кыһалҕалаах дьоҥҥо тыын суолталаах, бар дьоҥҥо тоҕоостоох арыйыы буолуоҕа – бу туһунан НВК ханаалга Наталья Михалева-Сайа Светлана Васильевнаны ыҥыран кэпсэппитэ ахсынньы 1 күнүгэр тахсыбыта, саха дьонун сэҥээрдибитэ.

https://aslogoped.ru/  Светлана Васильевна сайтыгар киирэн үлэтин билсиҥ, интириэһиргээн, тускутугар туһаныҥ!

Саҥа Дьылга, Саҥа сылга барыгытыгар ситиһиини!