Мин төрөөбүт түөлбэбин таптыыбын.

Главная » Новости » Мин төрөөбүт түөлбэбин таптыыбын.

Тэрээһиҥҥэ кэлэн кыттыбыт нэһилиэк саамай көхтөөх ыччаттарыгар махтал! Бу курдук тэрээһиннэргэ өссө да түмсэн кэлэн кыттар буолуҥ!

Сылаҥнар түмсүөҕүҥ!

Сылаҥнар, эһиги ахтымаҥ

Кырыктаах-кырыыстаах сыллары,

Сүтэрбит дьоммутун ааттатар —

Кэриэстиир бэлиэлэр турдулар.

Бөһүөлэк иһигэр аллея,

Бульвардар чэлгиһэн эрэллэр,

Уһун Күөл өссө да тупсуоҕа

Чээл күөххэ көрүлүү умсуоҕа.

Сылаҥнар, ыһыахтыыр сирбитин

Сынньалаҥ паарката оҥоруҥ,

Ол онно оһуохай битиитин

Оһуордаан-ойуулаан түһэриҥ.

Уот сулус Баһаарын кэс тыла

Ыччаты угуйа туруохтун,

Үтүөкэн киһибит ырата

Сылаҥҥа хайаан да туолуохтун.

Түмсүөҕүҥ, сылаҥнар, түмсүөҕүҥ,

Биир ньыгыл санаанан күүрүөҕүҥ!

Е.Д.Макаров- Үөкүйэ Дьөгүөр.

Метки:

Комментарий читателей статьи "Мин төрөөбүт түөлбэбин таптыыбын."