МБУ "Чурапчинская МЦБС"
филиал №12 сыланская сельская
модельная библиотека

Республиканскай сэрии уонна үлэ ветераннарын совета тэриллибитэ 40 сылынан Знамяны бэрсии-эстафетата Сылаҥ нэһилиэгэр :

Балаҕан ыйын 3 күнэ 2026 сыл. Дьон түмсүүтэ, скверга. Сахалыы патриотическай ырыалар, музыка тыаһыыр.

• Үтүө күнүнэн Сылаҥ нэһилиэгин ытык-мааны олохтоохторо, тыыл, үлэ ветераннара, сэрии кэмин оҕолоро, нэһилиэк общественноһа, кэнчээри ыччата!
• Бүгүн Биһиги нэһилиэкпит “Албан аат” скверыгар биир улахан суолталаах тэрээһиҥҥэ мустан турабыт : Саха Республикатыгар  сэрии уонна үлэ ветераннарын совета тэриллибитэ 40 сылынан Знамяны көрсүү сиэрэ-туома ыытыллар. Бу Знамя Саха сирин улуустарын, нэһилиэктэрин кэрийэн атырдьах ыйын 24 күнүгэр Амма улууһа Чурапчы улууһугар аҕалан туттарбыта. Ол күнтэн улуус нэһилиэктэригэр тохтоон бу дойдуга бэриниилээх буолуу үтүө холобурун көрдөрөр Знамя көлүөнэ ситимин, ыччаты бэйэ холобуругар иитии, уһун үйэлэнии олоххо суолтатын арыйар аналлаах буоларын сырдатар ытык иэһин толорор.
• Бүгүн балаҕан ыйын 3 күнүгэр Бахсы нэһилиэгиттэн айаннаан кэлбит Республиканскай сэрии уонна үлэ ветераннарын совета тэриллибитэ 40 сылыгар анаммыт Знамяны эстафета быһыытынан кэлбитин киллэрэр “Сылаҥ нэһилиэгэ” тыа сирин түөлбэтин баһылыга Егор Иннокентьевич Макаров,  Знамяны тутар Сылаҥ ветераннарын, пенсионердарын түмсүүтүн салайааччыта Пелагея Петровна Васильева.

Маршевой тыаһыыр.

• Знамяны сүһүөхпүтүгэр туран көрсүөҕүҥ! Знамяны эдэр көлүөнэҕэ, профессор Г.П.Башарин аат оскуола юнармеецтарыгар  туттарабыт.

   Знамяны ылан флагштокка уураллар, аттыгар тураллар.

•  Бүгүн Россия историятыгар биир улахан суолталаах күн сөп түбэспитэ барыбытын долгутар. Балаҕан ыйын 3 күнүгэр 1945 сыллааха Советскай Армия милитаристскай Японияны утары сэриигэ кыайыыта уонна Аан дойду иккис сэриитин түмүктэниитэ буолар. Бүгүн биһиги ахтан-санаан, махтанан, сүгүрүйэн ааһыахтаахпыт эйэлээх олох туһугар сэриилэспит буойуттары. Милитаристскай Японияны утары сэриигэ Сылаҥ, Аччаҕар нэһилиэгиттэн 43 саллаат кыттыбыта. Олортон 15 киһи “Японияны Кыайыы иһин” мэтээлинэн наҕараадаламмыттыра.

 Улуу Кыайыыны аҕалсыбыт аҕаларбытынан киэн туттабыт! Сүгүрүйэбит! Махтанабыт!

“День Победы!” кылгастык тыаһыыр.

• Бүгүҥҥү үөрүүлээх тэрээһиҥҥэ тыл этэр нэһилиэк баһылыга Егор Иннокентьевич Макаров.

    1987 с. кулун тутар 3 күнүгэр Дьокуускай куоракка Саха сирин бэтэрээннэрин совета тэриллибитэ. Бу улахан түмсүү Саха сирин үрдүнэн араас хайысхаларынан үлэлээн, дьону түмэн, олоххо көхтөөх буолууга сирдээн, уһун үйэлэниигэ мэктиэлээн кэллэ.

   Эҕэрдэ тыл бэриллэр олоҕун, дьоҕурун дьоҥҥо, норуокка, уопсай дьыалаҕа анаабыт, сэбиэскэй-партийнай үлэ ветераныгар, СӨ муниц уонна соц сулууспатын туйгунугар, Чурапчы улууһун, Хатылы уонна Сылаҥ нэһилиэктэрин Бочуоттаах олохтооҕор, “Гражданскай килбиэн “ бэлиэ туһааннааҕар, СӨ Ил түмэнин 4 ыҥырыылаах норуодунай дьокутаатыгар, биир дойдулаахпытыгар Семен Иванович Никитиҥҥэ.

• Эҕэрдэ тыл барар Сылаҥ нэһиэлигэр үгүс сылларга ветераннар сэбиэттэрин үтүө суобастаахтык салайан, айымньылаахтык үлэлээн кэлбит СӨ Бочуоттаах ветераныгар, СӨ Ытык сүбэһитэ, СӨ “Гражданскай килбиэн” бэлиэ туһааннааҕар, Сылаҥ нэһилиэгин уонна Чурапчы улууһун Бочуоттаах олохтооҕор Клара Васильевна Макароваҕа

• Түмүк :   Бүгүҥҥү улахан тэрээһин күлүөнэлэр ситимнэрин бөҕөргөтүүгэ, дойдуга тапталы, бэриниилээх буолуу үтүө холобурун ыччакка тиэрдии суолтатын, олоххо активнай позициялаах буолуога ыҥырар.

    Эйэлээх олох баар буоллан! Дойдубут чэчирии сайда турдун!