МБУ "Чурапчинская МЦБС"
филиал №12 сыланская сельская
модельная библиотека

• Айылҕаттан арахсымаҥ, салгыҥҥа күүскэ эҕэрийэн тыыныҥ, “салгын бу өлбөт-сүппэт азот, азотка олох баар”.
• Организмҥа саамай туһалаахтарынан сибиэһэй астар буолаллар : сибиэһэй эт, балык, оҕуруот астара, сир астара, сүөгэйтэн ураты үүттэн оҥһуллубут астар (кымыс, бтуугас, күөрчэх, тар, суорат), фрукта о.д.а.
• Муус уутугар элбэх эмтээх өрүттэр бааллар. Ыраас уу – уһун үйэлэнии эликсирэ.

Киһи кутун-сүрүн чөл буолуутун кини доруобуйата (иммуннай, ньиэрбинэй систиэмэлэрэ, психиката о.д.а), ону ааһан майгыта-сигилитэ уонна дьылҕата улахан тутулуктаахтар. Ол аата, чөл куттаах-сүрдээх эрэ киһи чөл олоҕу олорор кыахтаах.

   Чөл олох туһанан биоэнергетий, биолокация специалиһа Н.И.Слепцов бу курдук суруйар :  Киһи кутун-сүрүн чөл буолуута. Бастатан туран, кини духоубунаһа төһө сайдыылааҕыттан тутулуктаах. Ол аата, кини төһөнөн айылҕаны кытта үчүгэйдик дьүөрэлэһэн алтыһарый, төһөнөн дьоҥҥо-сэргэҕэ үчүгэйи-үтүөнү оҥоро-баҕара сылдьарый, төһөнөн сырдыкка-кэрэҕэ, үтүө санааҕа тардыһарый, төһөнөн инникигэ эрэллээҕий-итэҕэллэҕий, төһөнөн киэҥ интеллектээҕий, үрдүк культуралааҕый да соччонон араас куһаҕан дьаллыкка ылларбат, тас дьайыыларга дьайдарбат, сүрүн күрүөтэ чиҥ. бөҕө буолар-көмүскэлэ күүстээх.

   Маны таһынан, киһи кута-сүрэ чөл буолуута өссө тас дьайылартан улахан тутулуктаах. Бастатан туран, киһи кутун-сүрүн тыл-өс, кырыыс иҥиитэ уонна киһи сүрүн сиир энергетическэй вампир дьоннор алдьаталлар. Иккиһинэн. Киһи сүрүн күрүөтүн алдьатар, сүрүн сиир сирдэр. Ону ааһан араас аномальнай көстүүлэр бааллар. Үсүһүнэн, айылҕаны алдьатыыбыт сэтэ-сэмэтэ эргиллэнкэлиитэ диэн эмиэ баар. Итинник дьайыылар ыарыы уонна киһи майгытын-сигилитин, дьылҕатын сатарыйыытын төрүөтүнэн буолаллар.

  Чөл, чэбдик олоҕу тутуһуҥ, ийэ айылҕалыын сиэрдээхтик алтыһан, харыстыы сылдьыаҕын, бэйэ-бэйэбитигэ үтүө сыһыаны олохтоон этэҥҥэ сылдьыаҕын!

Е.Д.Макаров суруйууларыттан ылылынна

Ааҕыҥ! Тускутугар туһаныҥ!